ദുബൈ: റോഡ് സുരക്ഷയും ഉത്തരവാദിത്തമുള്ള ഡ്രൈവിംഗും ഉറപ്പാക്കാൻ യുഎഇയില്‍ സമഗ്രമായ ട്രാഫിക് നിയമങ്ങളുണ്ട്.
കഴിഞ്ഞ കുറച്ച്‌ മാസങ്ങളായി, ദുബൈ പൊലീസ് അശ്രദ്ധമായി വാഹനമോടിക്കുന്നവര്‍ക്കെതിരെ കനത്ത പിഴ ചുമത്തുകയും വാഹനങ്ങള്‍ കണ്ടുകെട്ടുകയും ചെയ്തുകൊണ്ട് കര്‍ശനമായ നടപടി സ്വീകരിച്ചിട്ടുണ്ട്. പിടിച്ചെടുത്ത വാഹനങ്ങള്‍ വിട്ടുകിട്ടുന്നതിന് 50,000 ദിര്‍ഹം വരെ പിഴ അടക്കേണ്ടി വരും.
ദുബൈയിലെ റോഡുകളില്‍ സുരക്ഷ നിലനിര്‍ത്തുന്നതിന്, ട്രാഫിക് ലംഘനത്തെ ആശ്രയിച്ച്‌ പൊലീസിന് രണ്ട് മാസം വരെ വാഹനം പിടിച്ചെടുക്കാം, കൂടാതെ ചില ഗുരുതരമായ കേസുകളില്‍ വാഹനമോടിക്കുന്നവര്‍ക്കെതിരെയും നിയമനടപടിയും സ്വീകരിക്കാം. ഏറ്റവും ഗുരുതരമായ ചില ട്രാഫിക് ലംഘനങ്ങള്‍ക്ക് 60 ദിവസം വാഹനം പിടിച്ചെടുക്കാം. ദുബൈ പൊലീസ് വെബ്‌സൈറ്റ് അനുസരിച്ച്‌, ഈ ലംഘനങ്ങള്‍ക്ക് വാഹനം രണ്ട് മാസത്തേക്ക് പിടിച്ചെടുക്കാൻ കഴിയും.
🔰ഡ്രൈവറുടെ ജീവന് അല്ലെങ്കില്‍ ജീവനുകള്‍ക്കും മറ്റുള്ളവരുടെ സുരക്ഷയ്ക്കും അപകടമുണ്ടാക്കുന്ന രീതിയില്‍ ഡ്രൈവിംഗ്.
പിഴ – 2,000 ദിര്‍ഹം
ബ്ലാക്ക് പോയിന്റ് – 23
വാഹനം കണ്ടുകെട്ടല്‍ കാലയളവ് – 60 ദിവസം
🔰പൊതു അല്ലെങ്കില്‍ സ്വകാര്യ സ്വത്തുക്കള്‍ക്ക് ഹാനികരമായ രീതിയില്‍ വാഹനമോടിക്കുക.
പിഴ – 2,000 ദിര്‍ഹം
ബ്ലാക്ക് പോയിന്റ് – 23
വാഹനം കണ്ടുകെട്ടല്‍ കാലയളവ് – 60 ദിവസം
🔰
മദ്യപിച്ച്‌ വാഹനമോടിക്കുക.
പിഴ – കോടതി തീരുമാനിക്കും
ബ്ലാക്ക് പോയിന്റ് – 23
വാഹനം കണ്ടുകെട്ടല്‍ കാലയളവ് – 60 ദിവസം
🔰മയക്കുമരുന്ന്, സൈക്കോട്രോപിക് അല്ലെങ്കില്‍ സമാനമായ വസ്തുക്കള്‍ ഉപയോഗിച്ച്‌ ഡ്രൈവിംഗ്.
പിഴ – കോടതി തീരുമാനിക്കും
വാഹനം കണ്ടുകെട്ടല്‍ കാലയളവ് – 60 ദിവസം
🔰മറ്റുള്ളവരുടെ മരണത്തിന് കാരണമാകുന്ന ഡ്രൈവിംഗ്
പിഴ – കോടതി തീരുമാനിക്കും
ബ്ലാക്ക് പോയിന്റ് – 23
വാഹനം കണ്ടുകെട്ടല്‍ കാലയളവ് – 60 ദിവസം
🔰ഹെവി വെഹിക്കിള്‍ ഡ്രൈവര്‍ ചെറിയ അപകടത്തിന് ശേഷം വാഹനം നിര്‍ത്തിയില്ലെങ്കില്‍
പിഴ – 1,000 ദിര്‍ഹം
ബ്ലാക്ക് പോയിന്റ് – 16
വാഹനം കണ്ടുകെട്ടല്‍ കാലയളവ് – 60 ദിവസം
എപ്പോള്‍ വാഹനം വിട്ടുകിട്ടും?
പിടിച്ചെടുക്കപ്പെട്ട വാഹനത്തിന് അടകയ്ക്കാനുള്ള എല്ലാ പിഴകളും അടക്കണം.
നിയമങ്ങള്‍ക്ക് എതിരായ കാര്യങ്ങള്‍ ശരിയാക്കുകയോ അല്ലെങ്കില്‍ ദുബൈ പൊലീസ് നിര്‍ണയിച്ചിട്ടുള്ള മറ്റേതെങ്കിലും വ്യവസ്ഥകള്‍ പൂര്‍ത്തിയാക്കുകയോ വേണം. വാഹനം കണ്ടുകെട്ടല്‍ കാലയളവ് അവസാനിച്ചതിന് ശേഷം വാഹന ഉടമ പിടിച്ചെടുത്ത വാഹനത്തിന് അവകാശവാദം ഉന്നയിക്കുന്നില്ലെങ്കില്‍, കാലയളവ് അവസാനിച്ചതിന് ശേഷമുള്ള ഓരോ ദിവസത്തിനും 50 ദിര്‍ഹം വീതം അടയ്ക്കേണ്ടി വരും.
STORY HIGHLIGHTS:In Dubai, the vehicle will be impounded for 60 days for these 6 traffic violations
